Eru foreldrar sektaðir ef nafn barns er ekki skráð fyrir 6 mánaða?

Jæja þá styttist í skírn dóttur okkar hjóna. Hún fæddist í byrjun febrúar og við gáfum henni nafnið Ester í lok mars.

Diljá (sex ára) stóru systir Esterar þótti nafnið skrítið og mörgum krökkum á svipuðum aldri. Þegar ég spurði krakkana sem þótti nafnið skrítið hvað þeim fyndist um nafnið Diljá þá fannst þeim það alls ekki skrítið nafn.

Nú er Ester er orðin rúmlega sjö mánaða. Vikunni áður en Ester varð sex mánaða skelltum við hjónin okkur niðrí Þjóðskrá til að skrá nafnið því við sáum fram á það að við myndum ekki ná að skíra hana fyrir sex mánaða aldurinn. Einhvern tíma heyrði ég að ef börn væru ekki komin með skráð nafn fyrir sex mánaða aldur þá væru foreldrar sektaðir. Ég spurðist fyrir hve há sektin var þegar skráðum nafnið en starfsmaðurinn (sem var líklega sumarstarfsmaður) vissi ekkert hve há sektin var.  

Ég hef ekki enn kynnt mér sektarákvæðin, ef einhver veit þau þá þætti mér vænt um að einhver sæi sér fært um að rita þau í athugasemdir.


Af hverju eru fleiri kvennemendur við HÍ?

Síðastliðinn sunnudag (um sexleytið) var í fréttum að konur í Háskóla Íslands væru helmingi fleiri en karlar (man ekki tölurnar). Ég reyndi að goggla þessa frétt áður en ég hófst handa við að skrifa þessa grein en fann ekkert um þetta.

Þegar við hjónin heyrðum fréttina veltum við fyrir okkur hvernig stæði á þessu. Af hverju er svona mikill munur á kynjahlutfalli í Háskóla Íslands (hef ekki skoðað kynjaskiptinguna í öðrum íslenskum háskólum)?

Konur eru orðnar töluvert fleiri í læknisnámi, tannlækna námi og lögfræði en fram kom í fréttinni að þetta voru karlafög fyrir nokkrum árum. Ég veit líka að Kennaraháskóli Íslands var að sameinast Háskóla Íslands og eflaust á það stóran þátt í kynjaskiptingu.

Spurningarnar sem ég velti fyrir mér eru: 

  • Af hverju eru konur fleiri en karlar?
  • Hafa karlar dregist aftur úr hvað varðar menntun á háskólastigi?
  • Hver er bakgrunnur kvennemenda við Háskóla Íslands?
  • Ætli konur séu að bæta við háskólamenntun sína eða eru fleiri konur í námi með vinnu?
  • Hefur meðalaldur nemenda við háskóla hækkað?

Þegar yrði farið að ræða spurningarnar frekar í fámennum hópi gætu komið upp enn fleiri spurningar. Heyrðir þú fréttina og manst þú meira en ég?


Auðveldari byrjun í 2. bekk en 1. bekk - fyrir börn & foreldra

Nú er þriðja vikan í grunnskólum landsins að byrja og auðveldara fyrir mig og dóttur mína nú en í fyrra.

Þegar hún byrjaði í 1. bekk síðast liðinn vetur fékk hún heimaverkefni. Þau voru ekki flókin að mínu mati. Hún átti að skrifa 4-6 línur af sama stafnum í skriftarbók, en kennarinn var búinn að forskrifa fyrsta stafinn. Þessar skriftaræfingar heima tóku á. Síðan átti hún að skrifa í sögubók og fljótlega fór hún að koma með lestrarbók heim. Við sem foreldrar fyrsta barns okkar sem var að byrja í skóla kunnum bara ekkert á þetta. Ég var að ströggla við að láta hana klára heimaverkefnin kvöldið fyrir skiladag, en þá hafði dóttir mín verið í skólanum frá 8:30 til 17:00 - fullur vinnudagur. Þetta tókst á endanum en vá hvað gráu hárunum fjölgaði við þetta. Svona voru fyrstu tvær vikurnar hjá fjölskyldunni (að mér minnir) síðasta vetur.

Við hjónin ræddum málin og komumst að því að við yrðum að setjast niður með dömunni á laugardags- eða sunnudagsmorgnum. Þegar við byrjuðum á því gekk allt miklu betur. Fyrir mína parta þyrfti að bjóða foreldrum þegar börn þeirra byrja í 1. bekk á smá lærdómsfund á vegum skólans eða hverfisins. Því við sem foreldrar þurfum að læra að læra með börnum okkar. Ekki satt?

Nú í haust var hún að byrja í 2. bekk og allt gengur miklu betur fyrir sig. Hún þekkir alla í bekknum, kom heim með skemmtilega lestrarbók og átti einungis að reikna tvær blaðsíður. Hún fer fyrr að sofa, reyni að vera búin að koma henni í rúmið um átta en þá hefst fundur Leynifélagsins á Rás 1.

Önnur ástæða þess að allt gengur betur fyrir sig er sú að ég er í fæðingarorlofi og gleymdi að sækja um frístundarheimili síðastliðið vor þannig að hún kemur heim úr skólanum rúmlega tvö. Hún er komin á biðlista og ég vona að hún komist inn í gæslu áður en ég byrja að vinna eftir fæðingarorlof (jan/feb).

Ég geri ráð fyrir að við séum ekki einu foreldrarnir sem hafa lent í erfiðleikum þegar frumburðirnir hefja skólagöngu. 


Um bloggið

Elín Sigríður Ármannsdóttir

Höfundur

Elín Sigríður Ármannsdóttir
Elín Sigríður Ármannsdóttir
Þriggja barna móðir í fæðingarorlofi. Hef gaman af því að vafra um á netinu. Heimasíðan mín er http://uppskriftir.net

Bloggvinir

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband